07:40 Bə Fəxrəddin Abbasovi(Əboszodə), Elvin İsayevi OZODİ!!! | |
| Bə Fəxrəddin Abbasovi(Əboszodə), Elvin İsayevi OZODİ!!! Bə Tolışi xəlqi OZODİ!!! Tolışi Milli Hərəkat(TMH). 2-inə mərhələ: Xosə tolışon, ğurbinə duston, ın yazion nıvışteədə məqsəd bə hiç kəsi cəvob doe ni, illahki, hiç kəsi exroc karde fikmon ni. Har kəs de ıştə əməli ıştəni barz kardeyən bəzıne, exroc kardeyən. Çəmə yazion bo nuperəson, bəTMH peşo ğoş qıniəkəson nəzərdə qətə bə! Votəmone, 2-inə mərhələ şərti bə 3 vırə baxş bedə:- 1. 23 avqust 1993-inə sori TMMR-i H.Əliyev hukməti tərəfo peqordonə bedə(Bo nıznə kəson:- 1 şəvədə Ostoro sərhəddiku çı Naxçıvano 500 hərbçi de mılki oləti bə Lankon dəvoniə bedə). Peş imi tolışi fədakarə zoon, Ə.Hummətovən dastgir kardə bedən. Bın vaxti əsasən hərbçion dəstgir kardə bedən, veyniən cəbhədə dəstgir kardə bedən. Ə.Hummətov sori bə peşt 21-22 sentyabri şəvi MTN-i (Isətnə DTX) turməku de 3 kəsi vitedən.Co vitəkəson ıştə coni roxnie qoroş bə xaric şedən, qıləni isə təslim bedə. Ə.Hummətov isə ıştə canqi dəvom karde qoroş bə ıştə vətən oqardedə, bəştə eli dılə. Niyo bedə, əmo ıştə canqiən dəvom kardə. Eyən bıvotəmon, ımoni cayli kardə ni, cayli kardeyən nəzni. Imoni de ıştə xəlqi mərdə zoon kardə. Qıləy çi dığğət bıkəmon, 1 sori dılədə Ə.Hummətov Tolışdə tosə 30-40 kədə jidə, de tolışi fəalon vindemonon kardə, əmo Əy hiç kəs həvatdə ni. İqlə ın fakt çe Tolışə xəlqi bə Ə.Hummətovi etiboku, umuku iyən məhəbbətiku xəbə doydə. Dıroz kardə nimon, bovə kardəmon ki, ağılmandə odəmon ıştən sərostə nəticə bebəkan! 1995-inə sori avqustə manqi 3-də Ə.Hummətovi tojədən, dıminə kərə, Lankondə dəstgir kardə bəpeş, ijən bə tolışi xəlqi vəynə repression bino bedən, bın səfən xeyli mılki odəmon dastgir kardə bin. Ey hukmən votənimon ki, 2-nə mərhələ çe TMH ən çətinə vaxte, Tolışi ğıryətin, mərdə zoon bə kon təzyiqon, işgəncon, təhqiron, repression məruz mandin, Xıdo zındə. Be soybə zəmonə be! Əmo əvon deşmeni vədə narşin, bənə merdi bın zılmi tov vardeşone. Xeyli bolion çın zılmon nəticədə bə rəhmət şin, Şəhid bin! Çəvon xeyzonon, balon, ğom-ğəbilonən eyni zılmonşon kəşe, çəvondən bə ıştə balon eqınə ruziqari tov nıvardə kəson bin, be vaxt çı dınyoku şin. Xıdo bəvon rəhmət bıkə! Amin! De anə zılmi çəmə bolion dılədən ıştə canqiku dast nıkəşoşone, ıştə canqi dəvom kardə bin. Bo nımunə dı-se fakti səpe mandəmon:- rəhmətdik Bahid Musayevi, Vəliəhd Əhədovi çı yodo bekarde əbıni. Əvon çə canqi ğıbon şin! Qiləy çəmə tolışə cıvoni kolondə "buntış" rost karde, bə "buti" rəhbərətiş karde!(Çə cıvoni nom çəmə səlnamədə heste, zınə kəson zındən. İnşallah, vaxt bome həx ıştə vırə bəqəte.) Çəmə komandir M.Haciyevi xeyzondə 3 boə dəstgir kardə be, çəvon ov-əvlodon kon əziyyətonşon kəşe, əmo çəvonən, co dastgir bə kəsonən ğıryətinə zənənon, bo-hovonən çın canqiku nıvitin. Çəmə Siprişən çın canqon navədə şedə be! De Avropə Şura tələbi Ə.Hummətovi məhkəmə proses tojədən bino be. Bəy vey təklifon bin ki, dın şərton Əy vadon. Əmo Əv bın şərton rozi nıbe, narşie, bə səjdə nışe, bo Tolışi narşie rəmzış noe. Şərtondə qıləyni H.Əliyevi ğəbi ziyarət, bəy səndə je be! Ən yolə şərtondən qıləyni çe TMMR-i ideyaku dast kəşe, ıştə pəşmonçiəti bəyan karde be. Şərton Bəy nionkıle votdə bin, Əy isə bın şərton oşkoədə, məhkəmədə cəvobış doy:- "Talış Muğan Muxtar Respubliksı de-fakto yaşayır, mən də onun Prezidentiyəm!" Bıji Tolış! Bıji TMH! Bıji Tolışıston! P.S. Şinə bolion, ısətən bə çəmə mərdə zoon tırkə camiədə behtanon, təhqiron, dıjmonon doydən! İmi bə sə dəşedəmon - tolışşon pidə ni! Vey təssuf kardəmon ki, çəmə ıştən dılədən kali odəmon de həmon tırkon eyni mevqeədə bə kəson peydo bedən! Bimi çı nom bınəmon, ey zındə nimon! Redaksiya heyət. tolishstan.com | |
|
| |
| Total comments: 0 | |