Böyük ictimai xadim olan Martin Lyüter Kinq 28 avqust 1963cü ildə ,,Mənim arzum var " bəyanatı ilə çıxış edib, irqi, milli, dini müxtəlifliyə baxmayaraq, bütün insanların qanun qarşısında bərabərliyini bəyan etmişdi. Onun həmkarları və həmfikirliləri bu möhtəşəm bəyanata dəstək məqsədilə bu günü BEYNƏLXALQ ARZULAR GÜNÜ kimi qeyd etməyə başladılar və tezliklə dünyaya yayıldı. Martin Lyüter bütün şüurlu həyatını bu arzusuna həsr etmiş, arzusunun həyata keçməsi üçün həmişə mübarizə aparmış, milyonlarla tanınmış insanları bu mübarizəyə sövq edə bilmişdi. Martin Lyüterin devizi: ,,Arzular çin olur " idi. Onun fikrincə bəxt amili arzuların həyata keçməsində köməkçi rolunu oynayır.