Əslən Lənkəranın Boladi kəndindən olan, bizim talış xalqının fəxri, Azərbaycanın fəxri olan general-leytenant Kərim Abbasəli oğlu Kərimov, (d.14 noyabr, 1917 − v.29 mart, 2003) — akademik, AMEA-nın fəxri üzvü, kosmonavtikanın inkişafındakı xidmətlərinə görə çoxsaylı dövlət mükafatları laureatı. O Bakida doğulub. Bir video da paylaşacam ki orda onun talış olduğu deyilir.

Kərim Kərimov həyatını raket texnikası ilə bağlamışdır. Ömrünün sonunadək o, raket texnikasının yaradılması və inkişafı naminə var gücü ilə çalışmış, zehni və fiziki qüvvəsini əsirgəməmişdir. Zavodlarda işlədiyi dövrdə onun yüksək təşkilatçılıq qabiliyyəti də özünü büruzə vermişdir. 1945-ci ildən SSRİ Müdafiə Nazirliyi sistemində raket texnologiyaları yaradan konstruktor büroları və zavodlarında çalışan Kərim Kərimov bir neçə elmi ixtiranın müəllifi olmuşdur.